உலகத்தமிழ்க் கல்விக்கழகம் | Tamil academy | learn tamil | World tamil academy

உலகத்தமிழ்க் கல்விக்கழக ஆசிரியர்கள்

உலகத்தமிழ்க் கல்விக்கழக ஆசிரியர்கள்

மு.இராசா, M.A.,B.Ed.,
தமிழ் ஆசிரியர்.

"யாம் அறிந்த மொழிகளிலே தமிழ் மொழி போல் இனிது ஆவது எங்கும் காணோம்". என்ற பாரதியாரின் வாக்கினை உலக அரங்கில் பறை சாற்றுவோன். எனது பெயர் மு.இராசா. அச்சிட்ட எழுத்துக்கு அர்த்தம் சொல்லுவது மட்டுமே ஆசானின் வேலையல்ல. கதை, கவிதை, கட்டுரை என பன்முகம் கொண்ட நான். எனது மாணாக்கரையும் அப்படியே உருவாக்குவேன். தமிழ் கற்கும் போது என் தாயின் கருவறை சுகத்தை நான் மீண்டும் உணர்ந்தேன். இந்த உணர்வினை தமிழ் ஆசிரியராக இருந்து மாணாக்கருக்கு உணர்த்துவதில் மகிழ்ச்சியே.

க. ரேவதி, (B.Litt).,
தமிழ் ஆசிரியர்.

"அனைவருக்கும் வணக்கம். என் பெயர் க. ரேவதி. நான் கதைகள், நாடகங்கள் ஆகியவற்றில் அதிக ஆர்வம் கொண்டிருப்பேன். கதைகள், நாடகங்கள் மூலம் எளிதில் சிறுவர்களுக்கு நன்னெறியையும், சமுதாயத்திற்கு விழிப்புணர்வினையும் ஏற்படுத்த முடியும். சின்னஞ்சிறு விழிப்புணர்வு நாடகங்கள், கதைகள் ஆகியவற்றை ஆவலுடன் எழுதி வருகிறேன்."

சு. கிருஷ்ணலட்சுமி, M.A.,B.Ed.,
தமிழ் ஆசிரியர்.

"அனைவருக்கும் வணக்கம். என் பெயர் சு. கிருஷ்ணலட்சுமி. நான் முதுகலைத் தமிழ் முடித்துள்ளேன். எனக்கு பாடல் மற்றும் கதைகள் மிகவும் பிடிக்கும். அதிலும் நாட்டுப்புறப் பாடல்கள் என்னை மிகவும் ஈர்த்தவை. நாட்டுப்புற பாடல்களின் எதுகை, மோனை வரிகள் படிப்பதற்கு எளிமையானவை. எனவே பாடல்களின் மூலம் மாணவர்களுக்கு பாடங்களை கற்றுக்கொடுப்பதை நான் விரும்பி செய்து வருகிறேன்."

கோ.சந்திரசேகர், M.A.,B.Ed.,
தமிழ் ஆசிரியர்.

'தமிழுக்கு ஏதாவது செய்ய நினைத்தால் அதை தமிழில் செய்' என்ற பொன்மொழிக்கேற்ப தமிழின் பெருமைகளை உலகறியச் செய்வோன் கோ.சந்திரசேகர். திருக்குறளிலும், நாட்டுப்புறப் பாடல்களிலும் எனக்கு மிகுந்த ஆர்வம். இதன் ஆழ்ந்த கருத்துக்களை மாணவர்களுக்கு கற்றுத் தருவது பெரு மகிழ்ச்சியே!

இரா. உமா மகேஸ்வரி.
தமிழ் ஆசிரியர்.

அனைவருக்கும் வணக்கம். என் பெயர் இரா. உமா மகேஸ்வரி. நான் இளநிலை பொறியியல் பட்டம்முடித்துள்ளேன். எனக்கு தமிழின் மீது மிகுந்த ஆர்வம். நான் கற்ற பொறியியல் கல்வியின் உதவியுடன் மென் பொருளினை உபயோகித்து செந்தமிழாம் தமிழ் மொழியை உலகத் தமிழ் கல்விக்கழகத்துடன் இணைந்து கற்றுக் கொடுப்பதில் மிக்க மகிழ்ச்சியே. எனக்கு புரட்சிக் கவி பாரதியாரை மிகவும் பிடிக்கும். இவர் பெண் எழுச்சி பாடல்களை எழுதியுள்ளார். இவருடைய பாடல்கள் எனது தன்னம்பிக்கையை அதிகரித்தது.

கி. முத்துராக்கு.
தமிழ் ஆசிரியர்.

அனைவருக்கும் வணக்கம். என் பெயர் கி. முத்துராக்கு. நான் அறிவியல் பாடப்பிரிவில் முதுகலை பட்டப்படிப்பினை முடித்துள்ளேன். எனக்கு தமிழ் மீது மிகுந்த ஆர்வம் உண்டு. நான் கற்ற அறிவியலின் துணை கொண்டு தமிழினை புதிய நோக்கில் கற்றுத் தருவேன். நாட்டுப்புறப்பாடல்களும், கண்ணதாசன் கவிதைகளும் எனக்கு மிகவும் பிடிக்கும். உலகத்தமிழ்க் கல்விக்கழகத்துடன் இணைந்து தமிழ் கற்றுத் தருவதில் பெருமிதம் கொள்கிறேன்.

ச.ஜெயக்குமார் ,M.A., B.Ed.,
தமிழ் ஆசிரியர்.

'யாதும் ஊரே யாவரும் கேளீர்' என்ற வரிகளுக்கு இணங்க உலகமெங்கும் இருக்கும் தமிழ் மக்களுக்கும் தமிழ் ஆர்வமுள்ளவர்களுக்கும் நான் உயிர் மூச்சாக எண்ணும் என் தமிழ் மொழியினைக் கற்றுக் கொடுப்பதில் ச. ஜெயக்குமார் ஆகிய நான் பெருமிதம் கொள்கிறேன். நான் சுவைத்து உணர்ந்த தமிழின் இலக்கிய, இலக்கணங்களை சற்றும் சுவை குன்றாது மாணவர்களுக்கு எடுத்து இயம்புவேன் என்று உறுதியளிக்கிறேன். தமிழ் தமிழர்களின் உயிர் மூச்சு அதனை உலகத்தமிழ்க் கல்விக்கழத்துடன் இணைந்து பரப்ப வந்த ஒரு காற்று.

இரா.ஆனந்த்.
தமிழ் ஆசிரியர்.

'தேமதுர தமிழோசை உலகமெலாம் பரவும்வகை செய்தல் வேண்டும்' என்ற எட்டையபுரத்து முண்டாசுக்கவி பாரதியின் வாக்கிற்கு இணங்க, நம் பசுந்தமிழை உலகமெல்லாம் விதைக்க வந்துள்ளேன். உலக தமிழ்க் கல்விக்கழகத்தின் வாயிலாக 'சந்ததிதோறும் சுந்தரத் தமிழை சுகமாய் கொண்டு சேர்க்க எண்ணும்' அனைத்து நற்றமிழ் உள்ளங்களுக்கும் அவர்களின் குழந்தைகளுக்கும் தமிழ்த் தொண்டாற்றுவதில் பேரானந்தம் கொள்ளும் இரா.ஆனந்த்.

உலகத்தமிழ்க் கல்விக்கழகம்

 முகப்பு~  இணைய வகுப்பு (Online Class)~  கட்டண விபரங்கள் (Fees Structure)~  நற்சான்றுகள்~  பாராட்டுப்புள்ளிகள்~  தொடர்புக்கு

World Tamil Academy ©www.tamilacademy.com